Ang pangarap ay hindi basta madaling makuha kaagad. Ito ay nagsisimula sa iyong sarili upang makabuo ng isang pagpaplano sa buhay gaya na nga lang ng pagbuo ng inspirasyon at pagtitiyaga upang pagtibayin ng iyong sarili para sa huli ito ay iyong matutupad.
Sabi nga ng iba, Di madaling maabot ang pangarap, naniniwala ako doon! Tama sila dahil marami kang pagdadaanan at pagsubok sa buhay na kailangan mo harapin. Mahirap man isipin, ngunit nandito na tayo sa “realidad” ng ating buhay dahil susukatin tayo ng ating sariling pagiisip, tiyaga, sipag, pananampalataya, tiwala at pagmamahal. Sobrang napakadaling mangarap, di nga naman masamang mangarap dahil tayo ang bumubuo para sa ating sariling kaginhawaan at makahinga sa buhay.
Walang sumusuko sa mga taong nangangarap. Kahit gaano kahirap abutin basta gusto mong maisakatuparan ang lahat, gagawin mo ang sinisigaw ng iyong puso’t isipan. Kung pursigido kang abutin lahat lahat, pwes kumilos ka. Walang mangyayari sa taong tamad. Ang buhay ay maikli lang at ang layunin nating lahat ay maisakatuparan ang lahat ng ating plano sa ating buhay. Kung papaano mo aabutin, diskarte mo na lang. Ito ang aking buhay:
Ako si James Ryback Concha o kilala bilang Chantel Ashelei Concha isang baklang may pangarap sa buhay na isang araw ay magising na maiahon ko na ang aking pamilya sa kahirapan at matupad na ang lahat para sa akin at sa kanila. Lahat naman tayo ayan ang gusto sa buhay diba? Oo ayan ang sagot nyo pero kailangan nating gumising sa katotohanan na ikaw, ako, sila, tayo o kung sino man yan mababa man ang estado sa buhay o mataas dapat pa rin tayong mangarap ng mangarap isipin natin ito bilang inspirasyon para bumangon sa lahat ng humahadlang sayo katulad ko isa akong bakla na di pa rin tanggap ng ating lipunan hanggang ngayon nanghihingi pa rin ng respeto at pagmamahal sa ibang tao ngunit patuloy pa rin silang nanapak ng dignidad at reputasyon namin at tuloy pa rin ang diskriminasyon masakit man isipin ngunit ayan ang totoo.
Pero ibahin niyo ko, sa kabila ng puro pang-aasar, panlalait, pambubully nila sa amin ito ang nagpapaangat at nagpapatibay sa aming damdamin na lumaban sa buhay na wag isipin ang mga taong humahadlang sayo dahil nasa kanila ang karma sila ang gumagawa ng mali sa kapwa at ikaw ay nanghihingi lang naman ng respeto at pagmamahal at di pa kayang ibigay? Oo sabihin nyo na lahat sa amin salot sa lipunan? Bakla? Bading? Malandi? Pero pare-parehas lang tayong tao bat di nyo pa kami kaya tanggapin? Tanggapin nyo kami ganun lang kadali irespeto at mahalin ayun lamang ang hinihingi namin.
Kasalukuyang nasa Senior High School ako ngayon, simula pala mang bata ay nangarap na ako maging transgender maging isang tunay na babae pero nakadikit pa rin sa aming balat na kami ay lalaki pa rin pero ayun ang aking gusto! Tanggap mo ba? Nakikita mo ba ang dalawang larawan na nakapambabae ako? Ayun ang aking gusto.
Sa aking pag-aaral naman ngayon nakita nyo wala akong nakasabit na medal sa frame o walang sertipiko ngunit di ako dyan bumabase dahil kahit wala akong achievements na tatanggap ay laban pa rin ako fight fight lang dahil hindi naman sa talino nasusukat ang tao sa sipag, tiyaga, determinasyon mo sarili kung paano mo maipapasa ang lahat at paano mo ito gagawin. Ako aral lang, nag-aaral kasi ako para sa akin at sa mga magulang ko dahil sila mama at papa di nakapagtapos ng pag-aaral sila ay elementary graduate lamang, ito ako ngayon buhay at nangangako sa inyo na makakapag-aral ako ng masipag, may kaalaman at may tiwala sa sarili at sa diyos na hindi nya tayo papabayaan sa mga nangyayari ngayon. Masaya ako dahil andyan pa rin ang aking mga magulang sumusuporta sa lahat ng aking gagawin free na free ako tanggap nila ako kung sino man ako ngayon, sobrang masarap isipin na sinusuportahan ka nila ngayon at alam ko di nila ako bibiguin kahit mawala man sila sa aking tabi alam ko namang nagawa na nila ang misyon nila sa akin.
Pagkatapos ko sa kolehiyo at makagraduate diretso ako sa ibang bansa upang maitupad ang aking pangarap sa sarili na makapag “transgender” at ipagsisigawan ko sa buong mundo na “Ako si James Ryback Concha na kilala na ngayong Chantel nagbabalik dahil sa inyo ginawa kong inspirasyon lahat lahat.”
“Ambisyosang Bakla” man ngunit may ibubuga at mapapatunayan! Pangako yan at Peks man! And I Thank You.
Isa sa highlights ng buhay natin ay ang magkaroon ng kaibigan. Kaibigan na mananatili sa tabi mo sa kahit anong takbo ng buhay. At alam kong may mga taong aloof na makipag-socialize, mga taong sadyang friendly, mga taong sasaksakin ka ng patalikod, at mga taong mananatili pagka’t tanggap nila nila kung sino ka.
Humanista Dose-Katorse 